Wéi s du dech op der Startsäit zerechtfënns

Op ee Bléck

1. 1D'Sichfeld. Wärend s du tipps, weist den Tableau just nach d'Linken, déi passen. Dréck op Sichen, fir amplaz am Internet no de Wierder ze sichen.
2. 2De Menü niewent dem Sichfeld (⋮): all Kategorien zou- an nees opklappen, all Kategorien op zwee Linken an enger Rei setzen, tëscht hell an däischter wiesselen, a wielen, ob d'Linken an engem neien Tab opginn - kuck Design, Sprooch a Linken.
3. 3Zulescht benotzt: d'Linken, déi s du viru Kuerzem opgemaach hues - déi, déi s du am meeschte benotz, stinn uewen.
4. 4Meng Linken: e Block fir deng eegen Adressen - kuck Deng eege Startsäit.
5. 5Eng Kategorie. Klick op hiren Titel, fir se zouzeklappen; d'Säit mierkt sech, wat s du zougeklappt hues. D'Knäppchen niewent hirem Numm setzt just dës Kategorie op zwee Linken an enger Rei, oder nees zeréck - egal wat de Rescht vum Tableau mécht.
6. 6Déi véiert Kolonn: Noriichten, d'Auer, d'Wieder, Haut zu Lëtzebuerg, de Verkéier an d'Themesäiten.
7. 7Den Design: Faarf, Schrëft a Form - kuck Design, Sprooch a Linken.
8. 8D'Sprooch, an där d'Säit geschriwwen ass.

D'Linken

D'Linke sinn a Kategorien opgedeelt, an d'Kategorie sinn op dräi Kolonne verdeelt. Eng Kategorie bleift op hirer Plaz: wat s du och opmaachs, zouklapps oder bäisetz, si kënnt net an eng aner Kolonn.

• D'Linken, déi s du am dackste benotz, klamme mat der Zäit an hirer Kategorie no uewen; a wat s du e Link méi dacks opmaachs, wat méi kräfteg dat klengt Feld mat sengem Ufanksbuschtaf gemoolt gëtt.
• Zulescht benotzt an d'Reiefolleg an enger Kategorie rechent dëse Browser selwer aus, aus Notizen, déi en eleng behält. D'Cookie-Säit seet genee, wat dran steet, an do kanns du se ausschalten.
• E Link, op deem Gesponsert steet, huet en Annonceur gebucht. Hie steet um Enn vu senger Kategorie an dréit den Numm vum Annonceur.
• Mat der Tastatur maachen Alt+1 bis Alt+9 déi éischt néng Linken um Tableau op, an Alt+0 den zéngten. Hal Alt eleng gedréckt, a jidderee vun hinne weist seng Nummer.

Déi véiert Kolonn

• Noriichten: déi neiste Schlagzeilen. E Klick mécht den Artikel do op, wou e verëffentlecht gouf.
• Wieder: d'Wieder fir eng Uertschaft, a fir vill Uertschaften e Link op eng méi laang Previsioun. Membere wielen d'Uertschaft selwer.
• Haut zu Lëtzebuerg: d'Fakte vum Dag aus ëffentlechen Donnéeën - d'Apdikten am Déngscht, d'Spritpräisser, Zuch an Tram, d'Loftqualitéit an d'Pollen, an déi nächst Feierdeeg a Schoulvakanzen. All Deel seet, wou en hierkënnt.
• Verkéier: Stéierungen op de Stroossen, grad elo.
• Themesäiten: e puer vun de Säite mat Linken zu engem Thema, an de Wee bei all déi aner - kuck Themesäiten.

Wat d'Kolonn dréit, entscheet start.lu. Mat engem Kont kanns du d'Deeler verstoppen, déi s du net brauchs.

Um Handy

Um Handy ass d'Startsäit dee selwechten Tableau, eng Kolonn no der anerer.

1. 1D'Taben. All Tab ass eng Kolonn vum Tableau. Tipp op en Tab oder wësch op d'Säit; d'Zuel seet, wéi vill Kategorien nach an där Kolonn sinn.
2. 2De leschten Tab huet déi véiert Kolonn: Noriichten, Wieder, Haut zu Lëtzebuerg an de Rescht.
3. 3D'Kategorien vum Tab, deen op ass. Tipp op eng, fir direkt dohinner ze sprangen.

D'Säit mierkt sech, op wéi engem Tab s du fir d'lescht waars, a fänkt déi nächste Kéier do un. Hues du um Handy léiwer d'Versioun vum Computer, da wiesselt Desktop-Versioun ënnen op all Säit dohinner, an Handy-Versioun nees zeréck.